EPISODE 2: ELSIE & ESMIE. Ini an istorya kan magtugang na Albis—an mga pagkakaiba ninda asin an paghanap nin kamugtakan kun sain may pagkasararo, pagsinarabutan, asin pagkamuot. Sa panahon na panô nin ribok asin pagkabaranga, dalanon ta kun pàno sa pagkakaiba-iba nin mga tawo makakahanap nin kusog. Ini an ikaduwa sa docuseries na proyekto kan Hawan-Dalan katuwang an Magbikol Kita, sarong platform para sa mga istorya asin pelikulang Bikol.

An Hawan-Dalan sarong pinaparambong na programa na buót makatao nin artistikong espasyo para sa mga Bikolano, asin mga dai -haros madangog na mga istoryang Bikol. An proyektong ini minasiyasat kan kusog kan digital media tanganing maka-ingganyo nin mga lokal na produksyon asin mga organisadong pagtarabangan sa produksyon nin serye nin mga haralipot na pasaling odyobiswal. Tinatawan nin importansya kan Hawan-Dalan an Bikol, alagad bako ining eksklusibo sa paghimo nin kolektibong kaisipan pag-abot sa pamemelikula—pamemelikulang abot an kasaraditan. Katuyuhan kan proyekto na pasagumon an pelikula sa udog kan komunidad.

An Hawan-Dalan sarong proyektong pinapanginutan kan Bikolanang parapelikulang si Jenn Romano.

 

Resibihon an mga artikulo sa email

Magsubscribe sa mailing list kan Magbikol Kita. Resibihon an mga artikulo direkta sa saindong email.

I-message sana kami para sa mga hapot o anuman na buót nindong ipaabot sa samuya.

5 + 5 =

Magbikol Kita © 2020 Reserbado an gabos na karapatan