Friday, March 29, 2024, 1:52pm

Tama si Jesse Robredo

Published on Sunday, August 09, 2020, 11:26am

Tanda ko pa an saro sa mga adal ni Jesse Robredo sa halipot na panahon na natawanan ako nin oportunidad na makapagtrabaho para saiya.

An sabi nya, kun igwa man sanáng nakatagama an gobyerno na pantabang sa tawo iyo dapat ini an ginagasto. An sisay man na pulitiko, sagkod pwede man saná, dai dapat minagasto nin hali sa sadiri nyang bulsa para sa serbisyo publiko.

Dati, dai ko ini naiintindihan. Sa buót ko kaidto, kun ako nyako pulitiko, itatabang ko an pinakahuri kong sentimo.

Alagad sa  pag-agi kan panahon, urog na ngunyan na ako yaon na man sa pulitika, bilang saro sa mga konsehal kan samuyang banwaan, nasasabutan ko na an kaliwanagan sa likod kan mga tataramon na ini.

Tama si Jesse Robredo.

Mayo man sigurong pulitiko na dai mamumuyang magtabang dawa pa sa pinakasumbikalan. Ta isi man kan lambang saro na an serbisyo publiko kaibahan na an pagtao.

Alagad sa kadakulan kan nangangaipo, mayong pulitiko an kayang itao an gabos, dawa pa itong pinakadakol an rekurso.

Kun pipiriton man kan saro na itao an pinakahuri nyang sentimo, maabot an panahon na sya na man an mayo asin huli igdi pwede syang mapiritan maghabas sa kaban kan banwaan tanganing makabawi sa saiyang gastos. Igdi minapuon an kurapsyon sagkod na mahulog an sarong pulitiko sa bubon na dai nang hawasan.

Tama si Jesse Robredo.

An gobyerno pigmukna asin pigtawanan poder kan mga tawo na maningil nin buwis asin mga multa tanganing kun igwa man sanáng alokasyon iyo an magtabang sa panahon nin pangangaipo.

Ta dapat an sarong pulitiko instrumento saná tanganing an kwarta kan mga namamanwaan nagagasto sa tama asin nabubugtak sa dapat padumanan.

Alagad dai ta man sinasabi na an sarong pulitiko dai na lamang pwedeng  magbutbot sa sadiri nyang bulsa. Kun igwa, ano man ta dai magtao urog na sa mga tawong naglaláom na an saindang pig-elihir na serbidor yaon sa mga panahon nin rimalaso.

Paggirumdom saná na an pagtao igwa man dapat limitasyon urog na ta pwede ma bagang pakiulayan an sisay man naghahagad, asin igwa man rekurso an gobyerno.

An satuya saná, tama sanáng dai linalaag kan siisay man na lider an saiyang sadiri sa sitwasyon na pwede syang matintaran na magkua kan bako saiya.

.

Jonas Cabiles Soltes
Si Jonas Cabiles Soltes myembro kan Sangguniang Bayan kan Tinambac, Camarines Sur, puon kan 2016 sagkod ngunyan.

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Importanteng Paisi: An Magbikol Kita minatao nin galang asin nagmimidbid sa katalingkasan kan lambang kag-ambag na parasurat na makapaglahayag kan saiyang personal na ideya, opinyon, o panànaw, sa pagtubod na ini nakasusog saka nakagamot sa pag-adal, pagsaliksik, asin hararom na paghurup-hurop. An indibidwal na mga artikulo dai nagsasalming sa pangkagabsan na paninindugan kan Magbikol Kita.

Kag-ambag na mga Parasurat

Kenneth Isaiah Ibasco Abante

Khryss Arañas

Mae Diane Azores

Nephtaly Botor

Niles Jordan Breis

Luis Cabalquinto

Jethro Calacday

Greg S. Castilla

France Clavecillas

Christian Dy

Maria Leny Felix

Dennis B. Gonzaga

Jaya Jacobo

Jingjin 淨近

Victor John Loquias

Vic Nierva

Pen Prestado

Joseph Reburiano

Adrian V. Remodo

Aika Robredo

Ronald ‘Bong’ Rodriguez

Jenn Romano

Javier Leonardo Vitug Rugeria

Jay Salvosa

Sari Saysay

Jonas Cabiles Soltes

Kerwin Orville Tate

P. Francis Tordilla

Melba T. Vera Cruz

Ernie Verdadero

Magbikol Kita is published by

We create blogs, videos, websites, graphics, and social media content so you can engage customers online and offline. Visit Creative Coconut Ph for ideas and to contact us.

Resibihon an mga artikulo sa email

Magsubscribe sa mailing list kan Magbikol Kita. Resibihon an mga artikulo direkta sa saindong email.

An Magbikol Kita sarong adbokasiyang nagtutulod, nagpapararom, asin nagpapahiwas kan paggamit sa mga tataramon na Bikol sa online na kinaban. Orihinal ining sarong midyum nin paghiras nin kaaraman dapit sa lenggwaheng Bikol para sa mga nagtutukdo asin nag-aadal kan tataramon. An paghimo kan website na ini sarong lakdang nin pagpahiwas kan sakop asin abot kan Magbikol Kita tanganing magin sarong kamalig nin impormasyon para sa mga Bikolnon—asin mga buót makanuod kan tataramon—yaon man sinda sain sa bilog na kinaban. Madya na, Magbikol Kita!

Para sa mga buót maghiras nin mga artikulo, opinyon, suhestyon, asin iba pang buót nindong ipaabot samuya, mag-email sa [email protected] o imessage kami sa contact form sa ibaba.

An ortograpiya asin istilo sa lenggwahe na ginagamit kan Magbikol Kita nakasusog sa ginagamit kan Mother Tongue-Based Multilingual Education (MTB-MLE) kan Departamento kan Edukasyon. Ini tanganing an anuman na maipublikar sa idea hub na ini pwedeng magamit kan mga eskwela, urog na sa mga pampublikong eskwelahan.

I-message sana kami para sa mga hapot o anuman na buót nindong ipaabot sa samuya.

15 + 5 =

Magbikol Kita © 2021 Reserbado an gabos na karapatan