Wednesday, October 20, 2021, 8:22pm

Gabos #1: Kasama, Kakampi, Kaibigan, Kabisyo, KaBombo, Ka-OK, etc.

Published on Sunday, November 08, 2020, 7:07pm

(Ikaapat parte kan Broadcasting sa Bikol)

Nag-abot an punto ngunyan pa lugod na igwa nang Facebook live streaming asin gabos na klaseng social media outlets, nagin mas popular an mga tagaradyo.

Dati kaidto, an mga announcers better heard than seen, mas marhay dangugon kisa dalanon, alagad ngunyan an mga plantitos asin plantitas sa ere nadadalan, bako lang digdi sa Bikol o sa ibang parte kan Pilipinas, kundi sagkod sa abroad. May audience participation, may request and dedication, may pa-check attendance.

Kun an mata mo nasa Facebook, mas inot mong mababasa an mga pangaran kan radio stations o TV stations o mga pangaran kan announcers bago mahiling an FB messages o private messages na para saimo. Madangog ka nguna kan mga bareta, platika, weather forecast ni Mike Padua, asin kan PAGASA Legazpi asin Manila, asin analysis kan direksyon, kusog, signal kan nagdadangadang na bagyo o maraot na kamugtakan kan panahon.

An dai sana nagbabago iyo an military o police English sa blotter na pigtratranslate o pigdadakit nin tataramon hali sa broken English pasiring sa broken Bikol.

Mahilig na pati an mga announcers na magamit nin direct translation hali sa computer pasiring sa nguso asin sa mga para-antabay. Si terminong dai kayang i-translate na Tagalog o English, naluwas sa nguso kan broadcaster si orihinal na English o Tagalog term o idtong pig-Bibikolize na mga termino hali sa dayuhan na tataramon.

An uso ngunyan pakaraskasan pagbareta pati pagtaram kan bareta. Kaya an gibo lugod kan paradangog tangarig makua an tunay na impormasyon iyo an birikon an birikan kan radyo o telebisyon sagkod na makua an katotoohan.

Gulpi an commercials, time check na sana an pag-ultanan kan lambang saro, kaya kun minsan maka-uyam nang magdangog kan bareta, mas marhay pang magbalik sa dyaryo magbasa kan headlines asin mga detalye.

Garo an mas importante ngunyan sa parte kan management o may sadiri kan istasyon iyo an mag-jackpot sa income asin ganansya.

Kaya sakripisyado an suweldo kan mga tao.

***

Mga iriilagang magkarilingawan na mga pangaran kan mga broadcasters sa Bikol na dai nasambit sa inot na tulong kabtang kan kolum na ini: sinda Eddie Pilapil, Ben Rito, Rudy Clavero alyas “Ompong”, Jun Lagrimas, Anjo Julia, Diony Parma, Erap Escriva, Bon Santiago, Rolando Flores alyas “Andoy Pakoykoy”, Johnny Dematera, Susing Opiana, Didoy Santa Ana, Ben Olleta aka “Pamela”, Abner Abiera, Alice Lorena, Jocy Macalindog, Delia Volante, Tina Aureus, Jun Begino, Leziel Macatangay, Elaine Parma, Malou Mercado, Lito Lopez, Rolly Bosquillos, Jimmy Letada, Junel Cuba, Raul Sudsod, Joel Buena, Jun Baṅas, Jeffrey Pasubilio, Rocky Bayobo, Noel Agravante, Noriel Oya, Tess Binondo, Adonis Aguilar, Efren Ramos alyas “Andres Bonifacio”, Nick Awa, Nimfa Dela Torre, Evelyn Dumas, Felix Abaṅo, Zeny Najera, Dan Russel, Wally Rumanilios, Noli Orbita alyas “Sexy Animal”, Josie Pontejos, Wally Vargas alyas “Wasiwas”,Joey Lim, Dhon Hugo, Boy Agta, Mylce Mella, Rica Loca, Dawn Jimenez, Ronnie Dela Torre, Glo Bongaes, Lito Del Rosario, Danny Cuerdo, Jun Cornelio, Dune Derla, Armie Azor, Edwin Lara, Frank Sotero, Rizza Mostar, Gerald Lorbes, Gil Villareal, Daryl Baṅas, Remy Manchus, Bong Villacruz, Joel Jeremias, Joey Sarcia, Lalaine Arcilla Gavino, Larry Javier, Leo Barcellano, Cris Bersabe alyas “Macho Bibbo”, Macky Macho, Mikay, Mr. Siram, Myra Revilla, Ronel Peṅaflor, Arnold Suave, Jake Fortaleza, Rick Lozano, Rick Rebuya, Romar Vasquez alyas “Kristsuper”, Roy Ranoco, Roel Clemente, Renie Orellosa, Lito Sanchez, Bong Echaloce, Julius Manahan, Mafie Mariscal, Ronel Natura, Dicky Gumabao, Tere Iraula etcetera, etcetera, etcetera….

Paki-ulay kun igwa pa giraray kitang nalingawan na pangaran sa kadakol na pangaran na nagralayog sa ere kan Kabikolan, pakipa-abot lang tabi sa paagi nin text o apod sa cellphone, Facebook asin via messenger.

Salamat saindo gabos.

Kulibat ko palan, an latest radio celebrity ngunyan na ngunyan iyo si Luis R. Villafuerte Sr.

.

Ernie Verdadero
Si Ernie Verdadero saro sa mga beteranong harigi kan radio broadcast sa Bikol. Saro man syang dating elehidong opisyal kan gobyerno asin man artista sa mga pelikulang Bikol.

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Importanteng Paisi: An Magbikol Kita minatao nin galang asin nagmimidbid sa katalingkasan kan lambang kag-ambag na parasurat na makapaglahayag kan saiyang personal na ideya, opinyon, o panànaw, sa pagtubod na ini nakasusog saka nakagamot sa pag-adal, pagsaliksik, asin hararom na paghurup-hurop. An indibidwal na mga artikulo dai nagsasalming sa pangkagabsan na paninindugan kan Magbikol Kita.

Kag-ambag na mga Parasurat

Kenneth Isaiah Ibasco Abante

Khryss Arañas

Mae Diane Azores

Nephtaly Botor

Niles Jordan Breis

Luis Cabalquinto

Jethro Calacday

Greg S. Castilla

France Clavecillas

Christian Dy

Maria Leny Felix

Dennis B. Gonzaga

Jaya Jacobo

Jingjin 淨近

Victor John Loquias

Vic Nierva

Pen Prestado

Joseph Reburiano

Adrian V. Remodo

Aika Robredo

Ronald ‘Bong’ Rodriguez

Jenn Romano

Javier Leonardo Vitug Rugeria

Jay Salvosa

Sari Saysay

Jonas Cabiles Soltes

Kerwin Orville Tate

P. Francis Tordilla

Melba T. Vera Cruz

Ernie Verdadero

Magbikol Kita is published by

We create blogs, videos, websites, graphics, and social media content so you can engage customers online and offline. Visit Creative Coconut Ph for ideas and to contact us.

Resibihon an mga artikulo sa email

Magsubscribe sa mailing list kan Magbikol Kita. Resibihon an mga artikulo direkta sa saindong email.

An Magbikol Kita sarong adbokasiyang nagtutulod, nagpapararom, asin nagpapahiwas kan paggamit sa mga tataramon na Bikol sa online na kinaban. Orihinal ining sarong midyum nin paghiras nin kaaraman dapit sa lenggwaheng Bikol para sa mga nagtutukdo asin nag-aadal kan tataramon. An paghimo kan website na ini sarong lakdang nin pagpahiwas kan sakop asin abot kan Magbikol Kita tanganing magin sarong kamalig nin impormasyon para sa mga Bikolnon—asin mga buót makanuod kan tataramon—yaon man sinda sain sa bilog na kinaban. Madya na, Magbikol Kita!

Para sa mga buót maghiras nin mga artikulo, opinyon, suhestyon, asin iba pang buót nindong ipaabot samuya, mag-email sa [email protected] o imessage kami sa contact form sa ibaba.

An ortograpiya asin istilo sa lenggwahe na ginagamit kan Magbikol Kita nakasusog sa ginagamit kan Mother Tongue-Based Multilingual Education (MTB-MLE) kan Departamento kan Edukasyon. Ini tanganing an anuman na maipublikar sa idea hub na ini pwedeng magamit kan mga eskwela, urog na sa mga pampublikong eskwelahan.

I-message sana kami para sa mga hapot o anuman na buót nindong ipaabot sa samuya.

11 + 3 =

Magbikol Kita © 2021 Reserbado an gabos na karapatan